MORGINNUM

MORGINNUM

vulgo Morges, locus Helvetiae, in tabul. Peistingeriana, memoratus, ubi Cularonem Morginno et Catorissae vulgo Chartrousse vel Chatrousse, unde hodie eremo Monasterrioque maioris Carrusiae nomen) medium interponit, Hadr. Vales. in vocibus Catorissium et Cularo, ubi illud vicum montanum appellat. Stumpfio German. Morsee, oppid. est cum arce, 1. milliari non integrô Lausannâ distans, in quodam lacus angulo, Sabaudici olim iuris: postea ab Helvetiis occupatum A. C. 1475. a quibus cum sequente mox annô defecisset, denuo illorum fortitudini cessit. Sed iterum in Sabaudorum manus cum pervenisset, bellô contra Sabaudiae Ducem et Lausannen sem Episcopum, A. C. 1536. a Bernensibus receptum, cum toto illo tractu, in illorum potestate hucusque remansit, vide Stumpfium Chron. Helv. l. 8. de regione Vaudi.